O‘zbekistonda avtomobil yo‘llarining uzunligi 184 ming kilometr 2008-yildan 2017-yilgacha avtomobil yo‘llari ko‘kalamzorlashtirish ishlari tizimli olib borilmagan, sug‘orish tizimi rejali amalga oshirilmagan. Bu ishlar uchun 2008-yildan 2017-yilgacha 46,5 milliard so‘m sarflangan, ya’ni deyarli havoga uchirilgan, deb yozadi “Ekologuz” Telegram kanali.
2020-yildan yo‘l chetlariga ekilgan daraxt va gullarni tomchilab sug‘orish tizimi orqali ko‘kalamzorlashtirish rejalashtirilgan. Shuningdek, yo‘l chetlariga bir yillik gullar ekilmaydi va foydalanilayotgan qo‘l mehnati kamaytiriladi. Bularning barchasini yangi barpo etiladigan “Yo‘l ko‘kalam sug‘orish” tashkiloti amalga oshiradi.
2020-yil 1-maydan umumiy foydalanishdagi yo‘llar chetidagi o‘simliklar ro‘yxatga olinib, axborot-kompyuter tizimiga kiritiladi.
Avtomobil yo‘llarni ko‘kalamzorlashtirish sohasidagi kadrlarni qayta tayyorlash va malakasini oshirish markazi ishga tushirilib, unda obodonlashtirish mutaxassislari jahon tajribasi asosida o‘qitiladi. Daraxtlarni to‘g‘ri butalash, o‘simliklarni to‘g‘ri parvarish qilish, yo‘l chetidagi daraxt va butalar shovqinni, zaharli gazlarni yutib, o‘rniga kislorod chiqarishi borasidagi bilimlari oshirilib, ko‘nikmalari shakllantiriladi.
Bularning barchasi O‘zbekiston Prezidentining “2020−2024-yillarda umumiy foydalanishdagi avtomobil yo‘llarini ko‘kalamzorlashtirish va me’moriy-landshaft loyihalashtirishni rivojlantirish chora-tadbirlari to‘g‘risida”gi qarori loyihasida ko‘zda tutilgan bo‘lib, u umumiy muhokamaga qo‘yildi.
Izoh (0)