“O‘zbekistonning ayrim qonun hujjatlariga o‘zgartirish va qo‘shimchalar kiritish to‘g‘risida”gi qonun Prezident tomonidan imzolandi.
Ushbu qonun bilan spirtli ichimliklar sotishga qo‘yilgan ayrim taqiqlar bekor qilindi.
Umumiy maydoni 1000 kvadrat metrdan ortiq bo‘lgan yarmarka pavilyonlarida va savdo majmualarida, shuningdek, ta’lim, sport va diniy muassasalardan to‘g‘ri chiziq bo‘ylab ikki yuz metrdan kam masofada joylashgan savdo obyektlarida alkogol sotishga ruxsat berildi.
Qonun bilan ikkita yangi litsenziya turi ham joriy etildi. Birinchisi, spirtli ichimliklarning ulgurji savdosi uchun bo‘lib, avval faoliyatning bu turi uchun monopoliya sababli litsenziya berilmas edi.
Ikkinchi litsenziya esa oziq-ovqat va texnik etil spirti, spirtli ichimliklar (tabiiy vinodan tashqari) ishlab chiqarishga beriladigan litsenziyadir.
Izoh (0)