Qozog‘iston tashqi ishlar vaziri Muxtor Tilovberdi Suriyadagi vaziyatni tartibga solishga qaratilgan “Ostona formatidagi” muzokaralar 2019-yil dekabr oyi boshida o‘tkazilishini ma’lum qildi. Bu haqda “TASS” xabar berdi.
“Uchrashuvlar dekabr boshida o‘tkazilishi mumkin. Tomonlar muzokaralarni dekabrda o‘tkazish niyatida. Qozog‘iston bu borada rasmiy murojaatni kutmoqda”, — deya ta’kidlagan Qozog‘iston tashqi ishlar vaziri Muxtor Tilovberdi.
Suriyadagi vaziyat muhokamasiga bag‘ishlangan 13-xalqaro uchrashuv 1–2-avgustda Qozog‘iston poytaxti Nur-Sulton shahrida o‘tkazilgan. Muzokaralarda kafil davlatlar (Eron, Rossiya va Turkiya), Suriya hukumati va Suriya qurollangan muxolifati vakillari ishtirok etgan. BMT, Iordaniya, Livan va Iroqdan kelganlar ilk bor Ostona formatidagi muzokaralar jarayonida kuzatuvchi maqomida ishtirok etgan.
Mavzuga doir:
Izoh (0)