13-noyabrdan boshlab Ashaxobodning “Guliston” savdo markazida sotuvchilarning xaridorlarga naqd pulga savdo qilishi taqiqlandi va endi mahsulotlar uchun to‘lovlar faqat bank kartalari orqali qabul qilinmoqda. Bu haqda “Xronika Turkmenistana” xabar qildi.
14-noyabrda “Guliston” do‘koniga Bayramalidan o‘simlik yog‘i olib kelingan. Bir litr yog‘ 2,60 manatga, bir yarim litr hajmdagisi esa 4 manatga sotilmoqda.
Shu kuni tanqis mahsulotlarni olish uchun juda ko‘p odam navbatda turgan, biroq bank kartasi yonida bo‘lgan xaridorlar topilmagan. Aholi barcha do‘konlarning naqd pulga savdo qilishiga ko‘nikkan, bank kartalaridagi pullarni bankomatlar orqali naqdlashtirib olayotgandi.
“Menimcha bu to‘g‘ri qaror. Bankomatlarda soatlab navbat kutib, so‘ngra do‘konlarda yana navbatga turilmaydi. Oradan ikki-uch kun o‘tgach, xaridorlarning hammasi naqd pul bilan emas, karta bilan mahsulot sotib olishni boshlaydi”, — deya vaziyatga ijobiy baho bergan xaridorlardan biri.Bozorning boshqa savdo nuqtalarida mahsulotlar hali ham naqd pulga sotilmoqda. Ushbu qaror faqat davlat do‘konlariga tegishli bo‘lishi mumkin.
Ayrim do‘konlarda bank kartasi bilan faqat tuxum (7 donasi 5 manat) va paxta yog‘ini xarid qilish mumkin. Shakar bir kilogrammi uchun 7 manatdan faqat naqd pulga sotilmoqda.
Mavzuga doir: Gurbanguli Berdimuhamedov yetimxona tarbiyalanuvchilariga va madaniyat markazi muzeyiga velosipedlar sovg‘a qildi (foto)
Izoh (0)