13 ноябрдан бошлаб Ашахободнинг «Гулистон» савдо марказида сотувчиларнинг харидорларга нақд пулга савдо қилиши тақиқланди ва энди маҳсулотлар учун тўловлар фақат банк карталари орқали қабул қилинмоқда. Бу ҳақда «Хроника Туркменистана» хабар қилди.
14 ноябрда «Гулистон» дўконига Байрамалидан ўсимлик ёғи олиб келинган. Бир литр ёғ 2,60 манатга, бир ярим литр ҳажмдагиси эса 4 манатга сотилмоқда.
Шу куни танқис маҳсулотларни олиш учун жуда кўп одам навбатда турган, бироқ банк картаси ёнида бўлган харидорлар топилмаган. Аҳоли барча дўконларнинг нақд пулга савдо қилишига кўниккан, банк карталаридаги пулларни банкоматлар орқали нақдлаштириб олаётганди.
Мавзуга доир: Туркманистон божхона хизматида «тозалаш» ишлари бошланди
Бозорнинг бошқа савдо нуқталарида маҳсулотлар ҳали ҳам нақд пулга сотилмоқда. Ушбу қарор фақат давлат дўконларига тегишли бўлиши мумкин.
Айрим дўконларда банк картаси билан фақат тухум (7 донаси 5 манат) ва пахта ёғини харид қилиш мумкин. Шакар бир килограмми учун 7 манатдан фақат нақд пулга сотилмоқда.
Мавзуга доир: Гурбангули Бердимуҳамедов етимхона тарбияланувчиларига ва маданият маркази музейига велосипедлар совға қилди (фото)
Изоҳ (0)