Yevroittifoqda o‘tkazilgan maxsus operatsiya natijasida Yaqin Sharqdan qochoqlarni Yevropaga noqonuniy yetkazish bilan shug‘ullangan jinoiy tarmoq fosh etildi. Bu haqda Eurojust xabar bermoqda.
“Germaniya, Ruminiya, Vengriya, Buyuk Britaniya va Turkiya milliy organlari tomonidan 36 kishining faoliyati o‘rganilmoqda. Ularga kamida 580 nafar migrantni noqonuniy yetkazish bilan shug‘ullanganlik aybi qo‘yilgan. Buning uchun jinoyatchilar 2 million yevrodan oshiq mablag‘ olgan”, — deyiladi xabarda.
Noqonuniy tashuvchilar va ularning mijozlari Eron, Iroq va Suriyadan Turkiya hamda Gretsiya orqali Ruminiyaga yo‘l olgan. Bu mamlakatda ular avtofurgonga o‘tkazilib, Vengriya va Chexiya hududi orqali Germaniyaga yetkazilgan.
Huquq-tartibot idoralari ushbu jinoiy guruh faoliyatini 2018-yilda tekshirishni boshlagani qayd etilmoqda.
Izoh (0)