Janubiy Afrikadagi Esvatini davlati qiroli Msvati III qarindoshlari uchun qimmatbaho avtomobillar — 120 ta BMW va 19 ta Rolls-Royce xarid qildi. Bu haqda Times xabar bermoqda.
Qirol ushbu avtoparkni e’tiborni jalb etmay keltirishga ko‘rsatma bergan. Buning uchun mashinalar plyonkaga o‘ralgan, treylerga chiqarilgan va gavjum bo‘lmagan yo‘ldan olib kelingan.
Biroq kichik va qashshoq davlat yo‘llaridagi hashamatli avtolar ortgan treyler fotosi tarmoqlarda tarqalib ketdi hamda noroziliklarga sabab bo‘ldi. Muxolifat fuqarolarni namoyishlarga chaqirmoqda va Msvati III dan iste’foga chiqishni talab qilmoqda.
Ma’lumot uchun, qirolning 15 nafar xotini, 23 nafar bolasi va juda ko‘p qarindoshlari bor.
Izoh (0)