Жанубий Африкадаги Эсватини давлати қироли Мсвати III қариндошлари учун қимматбаҳо автомобиллар — 120 та BMW ва 19 та Rolls-Royce харид қилди. Бу ҳақда Times хабар бермоқда.
Қирол ушбу автопаркни эътиборни жалб этмай келтиришга кўрсатма берган. Бунинг учун машиналар плёнкага ўралган, трейлерга чиқарилган ва гавжум бўлмаган йўлдан олиб келинган.
Бироқ кичик ва қашшоқ давлат йўлларидаги ҳашаматли автолар ортган трейлер фотоси тармоқларда тарқалиб кетди ҳамда норозиликларга сабаб бўлди. Мухолифат фуқароларни намойишларга чақирмоқда ва Мсвати III дан истеъфога чиқишни талаб қилмоқда.
Маълумот учун, қиролнинг 15 нафар хотини, 23 нафар боласи ва жуда кўп қариндошлари бор.
Изоҳ (0)