15-noyabr, juma kuni Toshkentning Olmazor tumanida joylashgan Respublika velotrek o‘quv-mashq markazida velotrek bo‘yicha erkaklar hamda ayollar o‘rtasida O‘zbekiston chempionatiga start berildi.
Mazkur musobaqa xalqaro talablar darajasida qayta rekonstruksiya qilingan o‘quv-mashg‘ulot bazasida o‘tkazilmoqda. Ushbu markaz 1982-yilda qurilgan bo‘lib, Prezident Shavkat Mirziyoyevning joriy yil 4-sentabr kuni bo‘lib o‘tgan videoselektor yig‘ilishida Tokio—2020 Olimpiya va Paralimpiya o‘yinlariga O‘zbekiston sportchilarini munosib tayyorlash hamda respublikamizda har bitta sport yo‘nalishi bo‘yicha sport bazalarini tashkil etish yuzasidan berilgan topshiriqlari ijrosini ta’minlash doirasida qayta rekonstruksiya qilindi.
Bugun ushbu markazning tantanali ochilish marosimi o‘tkazildi. Unda O‘zbekiston Respublikasi Oliy Majlisi Senati raisi, O‘zbekiston velosiped sporti federatsiyasi prezidenti Tanzila Norboyeva, Jismoniy tarbiya va sport vaziri Dilmurod Nabiyev, Milliy olimpiya qo‘mitasi prezidenti Rustam Shoabdurahmonov, Yevropa xavfsizlik va hamkorlik tashkilotining O‘zbekistondagi koordinatori janob Jon Makgregor, Buyuk Britaniyaning Vestminster universiteti vitse-kansleri hamda prezidenti, velosport bo‘yicha Jahon Chempionati g‘olibi Piter Bonfild, keng sport jamoatchiligi va ommaviy axborot vositalari xodimlari ishtirok etdi.
Faxriy mehmonlar ramziy tasmani qirqib, xalqaro talablar darajasida qayta rekonstruksiya qilingan Respublika velotrek o‘quv-mashq markazini ochib berdi.
Bunday majmua poytaxtdan tashqari Namangan viloyatida ham barpo etilgan. Yaqin orada Samarqand viloyatida ham zamonaviy velotrek o‘quv-mashg‘ulotlar markazini qurish ishlari boshlanadi. Umuman, biz kelgusida barcha viloyatlarimizda mana shunday majmualarni barpo etish hamda yurtimizdan ko‘plab Osiyo va jahon chempionati g‘oliblari, Olimpiya o‘yinlari chempionlarini yetishtirib chiqarmoqchimiz. Bizda iste’dodlar yetarli, faqat ularga avvalo sharoit va imkoniyatlarni yaratib berishimiz lozim.Tadbir doirasida velosport bo‘yicha Tokio—2020 Olimpiadasiga litsenziya qo‘lga kiritgan Murod Xolmurodovga O‘zbekiston Respublikasi Prezidenti tomonidan 100 million so‘m, uning murabbiyi Rustam Nuritdinovga 50 million so‘m miqdorida pul mukofotlari topshirildi. Shuningdek, tadbir doirasida velotrek bo‘yicha O‘zbekiston chempionati g‘olib va sovrindorlari ham taqdirlandi.Tanzila Narbayeva, O‘zbekiston velosiped sporti federatsiyasi prezidenti
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)