2020-yilgi Yevropa Chempionati saralash bosqichining 9-turidan o‘rin olgan bahslar 14-noyabr, payshanba kuni start oldi.
Garet Sautgeyt boshchiligidagi Angliya terma jamoasi Londonda Chernogoriyani qabul qildi. uchrashuvda Harri Keyn het-trikka erishdi, Aleks Oksleyd-Chemberlen, Markus Reshford va Temmi Abraham bir martadan mehmonlar darvozasiga yo‘l topdi. Shuningdek, ushbu o‘yinda Ben Chilluel uch marta samarali uzatmani amalga oshirdi.
Ushbu g‘alaba Angliya terma jamoasiga Yevro—2020 yo‘llanmasini taqdim etdi.
Portugaliya terma jamoasi esa Litva bilan bahs yuritdi. Uchrashuvda Krishtianu Ronaldu het-trik qayd etgan bo‘lsa, Pitssi, Gonsalu Pasiyensiya va Bernardu Silva ham o‘z hisobiga gol yozdirib qo‘ydi.
Fransiya terma jamoasi esa Moldovani qabul qildi. Dastlab 9-daqiqada Vadim Ratsa fransiyaliklar himoyasidagi xatodan foydalanib, mehmonlarni oldinga olib chiqdi. 35-daqiqada Rafael Varan hisobni tenglashtirishga muvaffaq bo‘ldi. O‘yin yakunlanishi arafasida Olivye Jiru penaltini aniq bajarib, Fransiya terma jamoasiga g‘alaba keltirdi.
Bu g‘alaba Fransiyani Yevro—2020 final bosqichiga olib chiqdi. Shuningdek, Turkiya va Chexiya terma jamoalari ham musobaqaga yo‘llanma oldi.
Yevro—2020 saralashi
9-tur bahslari
14-noyabr, payshanba
Turkiya — Islandiya 0:0
Angliya — Chernogoriya 7:0
Gollar: 1:0 — 11 Oksleyd-Chemberlen, 2:0 — 18 Keyn, 3:0 — 24 Keyn, 4:0 — 30 Reshford, 5:0 — 37 Keyn, 6:0 — 66, avtogol Shofranats, 7:0 — 84 Abraham.Portugaliya — Litva 6:0
Gollar: 1:0 — 7, penalti Ronaldu, 2:0 — 22 Ronaldu, 3:0 — 52 Pitssi, 4:0 — 56 Pasiyensiya, 5:0 — 63 Bernardu Silva, 6:0 — 65 Ronaldu.Fransiya — Moldova 2:1
Gollar: 0:1 — 9 Ratsa, 1:1 — 35 Varan, 2:1 — 79, penalti Jiru.Serbiya — Lyuksemburg 3:2
Gollar: 1:0 — 11 Mitrovich, 2:0 — 43 Mitrovich, 2:1 — 54 Rodrigesh, 3:1 — 70 Radonich, 3:2 — 75 Tyurpel.Chexiya — Kosovo 2:1
Gollar: 0:1 — 50 Nuxiu, 1:1 — 71 Kral, 2:1 — 79 Chelyustka.Albaniya — Andorra 2:2
Gollar: 1:0 — 6 Balay, 1:1 — 18 Martines, 1:2 — 48 Martines, 2:2 — 55 Manay.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)