Futbol bo‘yicha JCh—2022 sarlashi ikkinchi bosqichi 5-turi doirasida O‘zbekiston terma jamoasi o‘z maydonida Saudiya Arabistoni termasiga qarshi bahs olib bordi.
Uchrashuvda hisobni 16-daqiqada Eldor Shomurodov ochdi. Ikrom Aliboyevning saudiyalik himoyachiga bosimidan so‘ng to‘p Eldorga kelib tushdi. Eldor esa raqib darvozabonini dog‘da qoldirishga erishdi.
23-daqiqaga kelib saudiyaliklar penaltidan hisobni tenglashtirdi. Gol muallifi — Salmon al-Faraj. Penaltiga esa Rustam Ashurmatovning jarima maydonchasi ichida raqibiga qarshi qo‘pol o‘ynagani sabab bo‘ldi.
56-daqiqada esa Otabek Shukurov penaltini aniq amalga oshirib, O‘zbekistonni hisobda oldinga olib chiqdi. 85-daqiqada Salmon al-Farajning zarbasi Farruh Sayfiyevga tegib, Eldor Suyunov qo‘riqlayotgan darvozadan o‘rin oldi. O‘yinning asosiy vaqti tugashiga bir daqiqa qolganda Salim al-Dovsari o‘zbekistonlik himoyachilarini ortda qoldirib, chiroyli zarba bilan Suyunovning dog‘da qoldirishga erishdi.
Shu tariqa saudiyaliklar safarda 3:2 hisobidagi g‘alabani qo‘lga kiritdi. Ushbu g‘alabadan so‘ng arabistonliklarning ochkolari soni 8 taga yetdi va ular guruhda peshqadamga aylandi. O‘zbekiston hisobidagi ochkolar esa 6 taligicha qoldi.
JCh—2022 saralashi
5-tur bahsi
14-noyabr, payshanba
Izoh (0)