Футбол бўйича ЖЧ—2022 сарлаши иккинчи босқичи 5-тури доирасида Ўзбекистон терма жамоаси ўз майдонида Саудия Арабистони термасига қарши баҳс олиб борди.
Учрашувда ҳисобни 16-дақиқада Элдор Шомуродов очди. Икром Алибоевнинг саудиялик ҳимоячига босимидан сўнг тўп Элдорга келиб тушди. Элдор эса рақиб дарвозабонини доғда қолдиришга эришди.
23-дақиқага келиб саудияликлар пенальтидан ҳисобни тенглаштирди. Гол муаллифи — Салмон ал-Фараж. Пенальтига эса Рустам Ашурматовнинг жарима майдончаси ичида рақибига қарши қўпол ўйнагани сабаб бўлди.
56-дақиқада эса Отабек Шукуров пенальтини аниқ амалга ошириб, Ўзбекистонни ҳисобда олдинга олиб чиқди. 85-дақиқада Салмон ал-Фаражнинг зарбаси Фарруҳ Сайфиевга тегиб, Элдор Суюнов қўриқлаётган дарвозадан ўрин олди. Ўйиннинг асосий вақти тугашига бир дақиқа қолганда Салим ал-Довсари ўзбекистонлик ҳимоячиларини ортда қолдириб, чиройли зарба билан Суюновнинг доғда қолдиришга эришди.
Шу тариқа саудияликлар сафарда 3:2 ҳисобидаги ғалабани қўлга киритди. Ушбу ғалабадан сўнг арабистонликларнинг очколари сони 8 тага етди ва улар гуруҳда пешқадамга айланди. Ўзбекистон ҳисобидаги очколар эса 6 талигича қолди.
ЖЧ—2022 саралаши
5-тур баҳси
14 ноябрь, пайшанба
Изоҳ (0)