O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan 6-noyabr kuni yo‘l-transport hodisasi oqibatida halok bo‘lgan xorazmlik jurnalist Davlatnazar Ro‘zmetovning oilasiga moddiy yordam ko‘rsatildi. Bu haqda agentlik matbuot kotibi Hikmatilla Ubaydullayev ma’lum qildi.
“Rahbarimiz Komil Allamjonovning topshirig‘i bilan marhum jurnalist Davlatnazar Ro‘zmetovning xonadonida bo‘ldik. Jurnalistning oila a’zolari, farzandlariga Agentlik tomonidan taqdim etilgan o‘quv qurollari, darsliklar, badiiy adabiyotlar hamda moliyaviy mablag‘ni topshirdik.
Davlatnazar Ro‘zmetov o‘z so‘ziga ega, jonkuyar jurnalist edi. Uning farzandlari ham xuddi otasidek el koriga yaraydigan insonlar bo‘lib yetishishini tiladik”, — deyiladi xabarda.
Avvalroq AOKA rahbari Komil Allamjonov marhum jurnalist oilasiga moddiy yordam berilishini ma’lum qilgan edi.
Izoh (0)