Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги томонидан 6 ноябрь куни йўл-транспорт ҳодисаси оқибатида ҳалок бўлган хоразмлик журналист Давлатназар Рўзметовнинг оиласига моддий ёрдам кўрсатилди. Бу ҳақда агентлик матбуот котиби Ҳикматилла Убайдуллаев маълум қилди.
«Раҳбаримиз Комил Алламжоновнинг топшириғи билан марҳум журналист Давлатназар Рўзметовнинг хонадонида бўлдик. Журналистнинг оила аъзолари, фарзандларига Агентлик томонидан тақдим этилган ўқув қуроллари, дарсликлар, бадиий адабиётлар ҳамда молиявий маблағни топширдик.
Давлатназар Рўзметов ўз сўзига эга, жонкуяр журналист эди. Унинг фарзандлари ҳам худди отасидек эл корига ярайдиган инсонлар бўлиб етишишини тиладик», — дейилади хабарда.
Аввалроқ АОКА раҳбари Комил Алламжонов марҳум журналист оиласига моддий ёрдам берилишини маълум қилган эди.
Изоҳ (0)