O‘zbekistonda valyutani sotish bo‘yicha hech qanday cheklovlar qo‘yilmaydi. Bu haqda Markaziy bank raisi o‘rinbosari Botir Zohidov ma’lum qildi, deya xabar bermoqda “Daryo” muxbiri Musulmonbek Ibrohimov.
Men Markaziy bank raisi o‘rinbosari sifatida aniq ayta olamanki, konvertatsiyaga hech qanday “limit” yo‘q. Valyuta qancha kerak bo‘lsa, banklardan shuncha sotib olish mumkin. Banklarga valyuta sotish bo‘yicha hech qanday cheklov qo‘yish niyatimiz yo‘q.Avvalroq Markaziy bankning tijorat banklarida jismoniy shaxslar bilan valyuta ayirboshlash bo‘yicha operatsiyalarni amalga oshirish tartiblari to‘g‘risidagi nizomga o‘zgartirish kiritilgan edi. Unga ko‘ra, xorijiy valyuta sotishda mijozning shaxsi talab qilinmaydigan eng ko‘p miqdor 100 dollar etib belgilandi.Bizda ikki xil kurs bo‘lmaydi. 2017-yilning sentabr oyidagi erkin konvertatsiya amaliyoti to‘g‘risidagi qaror qat’iy — orqaga yo‘l yo‘q.
Botir Zohidov, Markaziy bank raisi o‘rinbosari
Ma’lumot uchun, 2019-yilning 20-avgustidan 20-oktyabrga qadar O‘zbekiston banklari aholiga jami 234,5 million dollar miqdorida naqd valyuta sotgan.
Izoh (0)