Sherzod Shermatov Surxondaryo viloyati hokimini “Ta’lim homiysi” ko‘krak nishoni bilan taqdirladi

Xalq ta’limi vazirining buyrug‘iga ko‘ra, Surxondaryo viloyati hokimi To‘ra Bobolov vazirlikning “Ta’lim homiysi” ko‘krak nishoni bilan taqdirlandi, deb xabar bermoqda Surxondaryo viloyati hokimligi matbuot xizmati.

Mukofotni Sherzod Shermatov o‘zining viloyatga xizmat safari chog‘ida topshirgan va vazirlik nomidan xalq ta’lim sohasi rivojiga qo‘shgan hissasi uchun viloyat hokimiga minnatdorchilik bildirgan.

“Prezidentimiz boshchiligida xalq ta’limi sohasida keng ko‘lamli islohotlar boshlandi va qo‘yilgan vazifalarni amalga oshirish uchun biz bor kuchimizni va imkoniyatlarimizni safarbar etishimiz kerak. Umid qilamanki, viloyatning barcha darajadagi rahbarlari bu yo‘nalishdagi ishlarini yanada kuchaytiradi”, — degan u.

2018-yilning sentabr oyida Qoraqalpog‘iston Respublikasi Jo‘qorg‘i Kengesi Raisi Musa Yerniyazov “Ta’lim homiysi” ko‘krak nishoni bilan taqdirlangan edi.