Ўзбекистонда валютани сотиш бўйича ҳеч қандай чекловлар қўйилмайди. Бу ҳақда Марказий банк раиси ўринбосари Ботир Зоҳидов маълум қилди, дея хабар бермоқда «Дарё» мухбири Мусулмонбек Иброҳимов.
Мен Марказий банк раиси ўринбосари сифатида аниқ айта оламанки, конвертацияга ҳеч қандай «лимит» йўқ. Валюта қанча керак бўлса, банклардан шунча сотиб олиш мумкин. Банкларга валюта сотиш бўйича ҳеч қандай чеклов қўйиш ниятимиз йўқ.Аввалроқ Марказий банкнинг тижорат банкларида жисмоний шахслар билан валюта айирбошлаш бўйича операцияларни амалга ошириш тартиблари тўғрисидаги низомга ўзгартириш киритилган эди. Унга кўра, хорижий валюта сотишда мижознинг шахси талаб қилинмайдиган энг кўп миқдор 100 доллар этиб белгиланди.Бизда икки хил курс бўлмайди. 2017 йилнинг сентябрь ойидаги эркин конвертация амалиёти тўғрисидаги қарор қатъий — орқага йўл йўқ.
Ботир Зоҳидов, Марказий банк раиси ўринбосари
Маълумот учун, 2019 йилнинг 20 августидан 20-октябрга қадар Ўзбекистон банклари аҳолига жами 234,5 миллион доллар миқдорида нақд валюта сотган.
Изоҳ (0)