Majburiy ijro byurosi Farg‘onada ta’minotchi korxonadagi o‘zlashtirishni aniqladi. Bu haqda byuro matbuot xizmati “Daryo”ga xabar berdi.
Majburiy ijro byurosi Farg‘ona viloyati boshqarmasi va byuroning Qo‘shtepa tumani bo‘limi tezkor xodimlari tomonidan Qo‘shtepa tuman elektr tarmoqlari korxonasida o‘tkazilgan o‘rganish davomida, tuman ETK hisobchisi Yu.A. korxonada elektr hisobini yuritishda “Elektr hisob” rasmiy dasturida ishlash uchun unga ishonib topshirilgan elektron kalit “parol imzo” orqali kompyuter texnikasi vositalaridan foydalangan holda 2014-yil noyabr oyidan 2019-yil avgust oyiga qadarli, turli vaqtlarda ETK iste’molchisi bo‘lgan 16 ta yuridik korxonalarining elektr hisoblash koeffitsiyentlariga g‘arazli niyatlarda o‘zgartirishlar kiritish orqali o‘zganing mulkini rastrata qilish yo‘li bilan talon-toroj qilib, davlat manfaatlariga 504 577 kVt soat yoki ko‘p miqdorda 101 589 467 so‘m moddiy zarar yetkazganligini aniqlangan.
Bundan tashqari, Farg‘ona viloyat XETK mutaxassislari tomonidan berilgan 26-sentabrdagi 7295-15-3-sonli qayta hisob-kitob xulosasiga ko‘ra, korxona hisobchisi Yu.A. o‘ziga biriktirilgan elektron kalit orqali 16 ta yuridik iste’molchilarning hisoblagichlariga foydalanayotgan elektr energiyasini hisobga olish uchun o‘rnatilgan toktransformator koeffitsentlarini 26 marotaba asossiz ravishda o‘zgartirilganligi oqibatida, “Farg‘ona XETK” AJ manfaatlariga 504 577 kVt.soat yoki ushbu harakat sodir etilgan davridagi davrlarga mutanosib ravishda 101 589 467 so‘mlik elektr energiyasini iste’molchilarga hisob-kitob qilinmaganligi ko‘rsatilgan.
Mazkur holat bo‘yicha tekshirish ishlari davom ettirilmoqda.
Izoh (0)