Farg‘ona viloyati Toshloq tumani “Qumariq” MFY Xojiota ko‘chasi 179-uyda yong‘in sodir bo‘layotganligi haqida 11-noyabr kuni soat 22:39 da yong‘in-qutqaruv qismiga xabar kelib tushgan.
Davlat yong‘in xavsizligi xabariga ko‘ra, voqea joyiga 2 ta yong‘in o‘chirish bo‘linmalari yuborilgan. Chaqirilgan manzilga bo‘linmalar soat 22:55 da yetib borgan (eng yaqin yong‘in-qutqaruv qismigacha masofa 14 kilometr) vaqtda uy ochiq alanga bilan yonayotganligi ma’lum bo‘lgan.
Ko‘rilgan tezkor harakatlar natijasida yong‘in soat 22:57 da qurshab olinib, soat 23:30 da to‘liq bartaraf etilgan.
Tan jarohati olganlar va halok bo‘lganlar yo‘q. Yong‘in oqibatida uyning 80 kvadrat metr maydonda tomi, shifti va ichki jihozlari yonib zararlangan.
Mavzuga doir: Quyichirchiqdagi uyda gaz to‘planib chaqnashi oqibatida portlash yuz berdi. 2 kishi halok bo‘ldi
Bundan avval Farg‘onada nosoz isitish moslamasi tufayli uy yonib ketgani, oqibatda 1 yoshli qizcha halok bo‘lgani haqida xabar berilgan edi.
Izoh (0)