Фарғона вилояти Тошлоқ тумани «Қумариқ» МФЙ Хожиота кўчаси 179-уйда ёнғин содир бўлаётганлиги ҳақида 11 ноябрь куни соат 22:39 да ёнғин-қутқарув қисмига хабар келиб тушган.
Давлат ёнғин хавсизлиги хабарига кўра, воқеа жойига 2 та ёнғин ўчириш бўлинмалари юборилган. Чақирилган манзилга бўлинмалар соат 22:55 да етиб борган (энг яқин ёнғин-қутқарув қисмигача масофа 14 километр) вақтда уй очиқ аланга билан ёнаётганлиги маълум бўлган.
Кўрилган тезкор ҳаракатлар натижасида ёнғин соат 22:57 да қуршаб олиниб, соат 23:30 да тўлиқ бартараф этилган.
Тан жароҳати олганлар ва ҳалок бўлганлар йўқ. Ёнғин оқибатида уйнинг 80 квадрат метр майдонда томи, шифти ва ички жиҳозлари ёниб зарарланган.
Мавзуга доир: Қуйичирчиқдаги уйда газ тўпланиб чақнаши оқибатида портлаш юз берди. 2 киши ҳалок бўлди
Бундан аввал Фарғонада носоз иситиш мосламаси туфайли уй ёниб кетгани, оқибатда 1 ёшли қизча ҳалок бўлгани ҳақида хабар берилган эди.
Изоҳ (0)