Bugun, 8-noyabr kuni Yashnobod tumanining ayrim hududlarida elektr energiyasida vaqtincha uzilish bo‘ladi. Bu haqda Energetika vazirligi matbuot xizmati xabar berdi.
8-noyabr kuni Toshkent shahrining Yashnobod tumani “Nodirabegim” mahallasidagi 1857-sonli transformator punktiga qarashli Zumrad, Husnobod, Shohimardon va Muruvvat ko‘chalaridagi yuqori kuchlanishli havo elektr tarmoqlarida VL-0,4 SIP simlarini yangi elektr tarmog‘iga ulash hamda “Shirinobod” mahallasi Marv ko‘chasidagi elektr uzatish tarmoqlarini daraxt shox-shabbalaridan tozalab tartibga keltirish maqsadida ishlarni xavfsiz bajarish uchun aholi xonadonlarida elektr energiyasi vaqtincha 10:00 dan 17:00 ga qadar uzilish bo‘ladi.
Shuningdek, ushbu tumanning “Tuzel” mahalla hududidagi 3366-sonli transformator punktida mukammal ta’mirlash ishlarini xavfsiz bajarish maqsadida “40 yil” mavzesining 2 dahasidagi 2, 4, 5, 6, 13-uylarda soat 10:00 dan 17:00 ga qadar elektr energiyasida vaqtincha uzilish bo‘ladi.
Keltirilgan noqulayliklar uchun iste’molchilardan uzr so‘raymiz, deyiladi xabarda.
Izoh (0)