“Vaqf” xayriya jamoat fondi tomonidan “Masjid va madrasalar uchun kitob” aksiyasi amalga oshirilmoqda. Ushbu ishlar doirasida O‘zbekistondagi masjid va madrasalarga kitoblar taqdim etilmoqda. Bu haqda xayriya jamoat fondi matbuot xizmati xabar berdi.
Joriy yilning oktabr oyida fond tomonidan homiylar mablag‘lari evaziga xarid qilingan 81 nomdagi 500 ga yaqin kitob Toshkent shahridagi Shayx Muhammad Sodiq Muhammad Yusuf masjidiga taqdim qilindi. Kitoblarga vaqf mulki ekanini bildiruvchi muhrlar bosilib, ushbu masjidga yetkazilgan.
Ushbu xayriya ishlari uchun qariyb 15 million so‘mlik kitoblar sotib olingan.
Izoh (0)