Kuz-qish mavsumi kirib kelishi munosabati bilan “Toshkent—O‘sh” avtomobil yo‘lining “Qamchiq” dovonida ob-havo haroratining keskin pasayishi kuzatilishi (qisqa muddatli yomg‘ir va qor yog‘ishi) mumkin.
Shu munosabat bilan, Favqulodda vaziyatlar vazirligi yo‘l transport hodisalari bilan bog‘liq favqulodda vaziyatlarning oldini olish maqsadida dovon hududida harakatlanishdan oldin quyidagi mutaxassis tavsiyalariga e’tibor qaratishni so‘radi:
- avtomobillarning texnik holatini to‘liq ko‘zdan kechirish;
- dovon orqali yetarli darajada yoqilg‘i-moylash mahsulotlari bilan harakatlanish;
- avtotexnikalarning qish mavsumida harakatlanish uchun maxsus shinalar bilan almashtirish;
- “Qamchiq” dovoni orqali harakatlanganda hushyorlikni yanada oshirish va yo‘llarda to‘xtab dam olish;
- viloyatlararo yuk tashish bilan shug‘ullanuvchi tashkilotlar, firmalar, xususiy tadbirkorlar tomonidan haydovchilar bilan profilaktik tadbirlar o‘tkazish.
Izoh (0)