Миллий гвардия ходимига бўйсунмаган ва унга қаршилик кўрсатганлар энди жазоланади

Миллий гвардия фаолияти такомиллаштирилганлиги муносабати билан қонун ҳужжатларига ўзгартишлар киритилди, деб хабар беради Norma.

Маъмурий жавобгарлик тўғрисидаги кодексга 2 та янги модда қўшилди. Уларда Миллий гвардия ходимининг қонуний талабига бўйсунмаслик ва хизмат бурчини ўтаётган пайтда қаршилик кўрсатганлик учун жазолар белгиланган.

Миллий гвардия ҳарбий хизматчиси томонидан ҳуқуқбузарлик тўхтатилиши, текширув учун ҳужжатларни бермаслик, кўрсатилган муддат ичида Миллий гвардия (ҳуқуқни муҳофаза қилувчи органлар) га кузатиб бориш ёки келиш тўғрисида, автотранспорт воситасини тўхтатиш, жароҳат олганларга ёрдам бериш ёки Миллий гвардия ҳарбий хизматчисининг (хизматчисининг) қонуний талабларига бошқача тарзда бўйсунмаслик ҳолатлари содир этилса, базавий ҳисоблаш миқдорининг ярим бараваридан 2 бараваригача жаримага тортилади. Агар бир йил ичида иккинчи марта содир этилса, жазо чораси 15 суткалик маъмурий қамоққача етиб бориши мумкин.

Миллий гвардия ҳарбий хизматчисининг (хизматчисининг) ўз хизмат вазифаларини бажариши муносабати билан қонуний талабларини бажармаслик, шунингдек, Миллий гвардия ҳарбий хизматчиларига (ходимларига) оммавий итоатсизликни қўзғаш мақсадида била туриб ёлғон уйдирмаларни тарқатиш тўғрисида ҳар қандай шаклда мурожаатлар — базавий ҳисоблаш миқдорининг 3—5 баробари миқдорида жаримага тортиш ёки 15 суткагача маъмурий қамоқ жазоси белгиланиши мумкин.

Бошқа ўзгартиришлар қаторида:

• ҳуқуқбузарликлар профилактикаси бўйича органнинг ваколатлари акс эттирилди;
• ходимларга сиёсий партияларга кириш тақиқланган;
• Миллий гвардия қўриқлаш бўлинмалари юридик шахслар даромад солиғи ва уларнинг хизматларини ҚҚС тўлашдан озод қилинди.