Poytaxtning Yashnobod tumanidagi Aviasozlar dahasida 4 qavatli uyning tom bo‘g‘ot qismining 70 kv.m. maydonida yong‘in sodir bo‘lgan. Bu haqda Toshkent shahar Yong‘in xavfsizligi xizmati xabar berdi.
Ma’lum qilinishicha, 27-oktabr, yakshanba kuni Yong‘in o‘chirish jangovar bo‘linmalari manzilga soat 13:51 da yetib borgan va tezkor harakatlar natijasida yong‘in soat 14:06 da qurshab olinib, soat 14:20 da bartaraf etilgan.
Taxminlarga ko‘ra, yong‘in kelib chiqishiga tomda olovli-ta’mirlash (svarka) ishlarini olib borishda xavfsizlik qoidalarining buzilishi asosiy sabab qilib ko‘rsatilmoqda. Hozirda yong‘indan keltirilgan moddiy zarar miqdori aniqlanmoqda. Halok bo‘lganlar va tan jarohati olganlar qayd etilmagan.
Izoh (0)