Bosh prokuratura sud hujjatlarini ijro etishning soddalashtirilgan tartibini joriy qilishni ko‘zda tutadigan “Sud hujjatlari va boshqa organlar hujjatlarini majburiy ijro etish tizimini yanada takomillashtirish chora-tadbirlari to‘g‘risida”gi Prezident farmoni loyihasini muhokama uchun taqdim etdi.
Yangi tartibni 2020-yilning 1-fevralidan joriy etish ko‘zda tutilgan. Unga ko‘ra, jismoniy shaxslarning ma’muriy jarimalari, soliqdan qarzlari hamda davlat boji to‘lovlari masofadan undiriladi, buning uchun qarzdorning uyiga borib, u bilan muloqot qilish talab etilmaydi.
Bu qarzdorning bankdagi hisob raqami, shu jumladan, bank kartalaridan pul mablag‘larini qidirish va undan yechib olish ko‘rinishidagi majburlov choralarini qo‘llash orqali amalga oshiriladi.
Bundan tashqari, 2020-yil 1-martdan boshlab aliment majburiyatlari bo‘yicha yagona bank hisob raqamini yaratish rejalashtirilgan.
Loyiha muhokamasi 7-noyabrgacha davom etadi.
Izoh (0)