Eron mudofaa vaziri Amir Hotamiy AQSh prezidenti Donald Trampning Tehronga harbiy hujum uyushtirishi haqida aytgan gaplarini Vashingtonning omadsizliklarini yashirish maqsadidagi “oliftagarchilik” deya baholadi. Bu haqda “Iran.ru” xabar berdi.
“Bu muvaffaqiyatsizlikka uchragan siyosatdan keyingi talvasani yashirish uchun qilinayotgan “oliftagarchilik”ga o‘xshaydi”, — deya ta’kidlagan general Hotamiy.
Mudofaa vazirining ushbu gaplari Trampning Vashington tashqi siyosiy maqsadlarini amalga oshirish yo‘lida urush harakatlariga ham tayyorligini bildirgan fikrlariga javob bo‘ldi.Mavzuga doir: Eron Qizil dengizdagi neft tankeriga hujum ortida AQSh, Isroil va Saudiya Arabistoni turganini bildirdi
Ehtimol urush olib borishimizga to‘g‘ri kelar. Biz voqealarning bunday rivojlanishiga ham tayyormiz. Ular Eron javob harakatlarini amalga oshirgan vaqtda har doimgidan ham ko‘proq hayron qoladi. Biz vaziyatga qarab ish ko‘ramiz.Shuningdek, u Eron qurolli kuchlari millat hamda mamlakat chegaralarini qo‘riqlashga shayligi va har qanday tahdid yoki ortiqcha talablarga munosib javob qaytarishini bildirdi.Agar AQSh bu borada xatoga yo‘l qo‘ysa, biz avvalgidan ham kuchliroq va ularni battar sharmanda qiladigan javob qaytaramiz.
Amir Hotamiy, Eron mudofaa vaziri
Izoh (0)