22-oktabr, seshanba kuni tongga yaqin Ufadagi qimmat restoranlardan biriga politsiya chaqirildi. Bu yerda bir necha kishi ishtirok etgan mojaro yuz bergandi, deya xabar qiladi “KP.ru”.
O‘zbekistonlik 23 yashar yigit 35 va 28 yoshli ikki erkak hamda o‘zbekistonlik 20 yoshli qiz bilan nimadir masalada tortishib qoladi. Shundan so‘ng Kalashnikov avtomatiga o‘xshash narsani olib, janjal ishtirokchilariga o‘qtaladi.
Hodisada hech kimga jabr yetmagani aytilmoqda. Politsiya voqea joyidagi kuzatuv kameralaridan videoyozuvni olgan.
Mazkur holat yuzasidan hozircha tegishli qaror chiqarilmagan.
Izoh (0)