Shanxay hamkorlik tashkilotiga (ShHT) a’zo davlatlar hukumatlari rahbarlarining uchrashuvi 1—2-noyabr kunlari Toshkentda bo‘lib o‘tadi. Bu haqda ShHT bosh kotibi Vladimir Norov ma’lum qildi, deb xabar berdi “Jahon” axborot agentligi.
“ShHTga a’zo davlatlar hukumat rahbarlari kengashining majlisi 1—2-noyabr kunlari Toshkentda bo‘lib o‘tadi. O‘zbekiston poytaxtida ShHTning barcha mamlakatlari bosh vazirlari uchrashishi kutilmoqda”, — dedi u.
“Shuningdek, tadbirga tashkilot huzuridagi kuzatuvchi mamlakatlar — Afg‘oniston, Belarus, Mo‘g‘uliston va Eron hukumatlari rahbarlari, shuningdek, qator hamkor xalqaro tashkilotlar, ShHT banklararo birlashmasi va ShHT ishbilarmonlar kengashi rahbarlari taklif etildi.
“ShHTga a’zo davlatlar hukumat rahbarlari kengashining majlisi ShHTga a’zo davlatlarning mintaqada o‘zaro manfaatli hamkorlik qilishga, iqtisodiy o‘sishni jadallashtirishga, transport va energetika, sanoat sohalaridagi aloqalarni kengaytirishga, investitsiyalar hajmini oshirishga, tegishli shartnomaviy - huquqiy bazani kengaytirish orqali innovatsiyalarni joriy etishga va aholi bandligini ta’minlashga ko‘maklashadigan ko‘p tomonlama tashabbuslarini amalga oshirishga muhim turtki beradi”, — deydi Vladimir Norov.
Izoh (0)