Futbol bo‘yicha Yevropa Chempionlar Ligasi 3-turi doirasida 22-oktabr, seshanba oqshomida 8 ta uchrashuv bo‘lib o‘tdi. “Daryo” esa mazkur turning dastlabki kuni tafsilotlariga to‘xtalib o‘tadi.
“A” guruhi
“Bryugge” — PSJ
Guruhda ikki turdan so‘ng 6 ochko bilan peshqadam bo‘lib turgan PSJ Belgiyaga g‘alaba uchun kelgani 7-daqiqadayoq o‘z isbotini topdi. Di Mariyaning uzatmasini uning vatandoshi Mauro Ikardi “Bryugge” posboni Simon Minyole darvozasiga joylab qo‘ydi. Ammo muxlislar ikkinchi golni ko‘rish uchun, ikkinchi bo‘lib boshlanishi va Kilian Mbappening maydonga tushishini kutishga majbur bo‘ldi. Kilian 52-daqiqada o‘yinga zaxiradan qo‘shilib, oradan 9 daqiqa o‘tib, bahsdagi ilk, PSJning esa ikkinchi golini urdi. Shundan so‘ng PSJni to‘xtatib qolishning ilojisi bo‘lmadi. Ikardi 63-daqiqada yana bitta gol urgan bo‘lsa, 79 hamda 83-daqiqalarda Mbappe ikkita gol urib, o‘yinga yakuniy nuqtani qo‘ydi.“Galatasaroy” — “Real”
Dastlabki ikki turda atigi 1 ochkoga ega bo‘lgan Zinedin Zidan shogirdlari Turkiyaga safar qildi. “Galatasaroy” mehmoni bo‘lgan “Real” Toni Kroosning 18-daqiqada Eden Azarning uzatmasi orqali kiritgan goli sabab Chempionlar Ligasi joriy mavsumidagi ilk g‘alabasini nishonladi.Guruhdagi vaziyat
“B” guruhi
“Tottenhem” — “Srvena Zvezda”
So‘nggi vaqtlarda muxlislari hafsalasini pir qilib qo‘yayotgan “Tottenhem” o‘z maydonida serbiyaliklarni qabul qildi. Maurisio Pochettino shogirdlari bu safar raqibini umuman ayab o‘tirmadi. Avvaliga 9-daqiqada Harri Keyn hisobni ochgan bo‘lsa, 16-daqiqaga kelib Son Hyon Min hisobni 2:0 ko‘rinishiga keltirdi. Qayd etish joiz, ikkala golga ham Erik Lamela hammualiflik qildi. Tinib-tinchimas koreyalik Son tanaffus oldidan yana bitta gol urishga erishdi. Ikkinchi bo‘limda esa Lamela ham o‘z nomiga bitta gol yozdirib qo‘ygan bo‘lsa, Keyn 72-daqiqa gol urib, “shporlar”ning 5:0 hisobidagi yirik g‘alabasini ta’minladi.“Olimpiakos” — “Bavariya”
Niko Kovach boshliq “Bavariya” Gretsiyada “Olimpiakos” mehmoni bo‘ldi. Uchrashuv mehmonlar uchun omadsiz boshlandi. 23-daqiqada al-Arabi mezbonlarni hisobda oldinga olib chiqdi. Shundan so‘ng Robert Levandovski dublga erishdi. Korenten Tolisso esa chiroyli goli bilan “Bavariya”ning uchinchi goliga mualliflik qildi. O‘yindagi so‘nggi gol esa “Olimpiakos” a’zosi Gilyerme hisobiga yozildi.Guruhdagi vaziyat
“C” guruhi
“Shaxtyor” — “Dinamo”
Donetsk klubi o‘z maydonida Zagrebning “Dinamo”sini qabul qildi. Avvaliga Yevgeniy Konoplyanka hisobni ochgan bo‘lsa, oradan 9 daqiqa o‘tib, Dani Olmo hisobni tenglashtirdi. Zagrebliklar ikkinchi bo‘limning 60-daqiqasida Orshichning goli evaziga hisobda oldinga chiqib oldi. O‘yinga yakuniy nuqtani esa 75-daqiqasida Dodo qo‘ydi. Shu tariqa tomonlar 2:2 hisobidagi jangovar durang qayd etdi.“Manchester Siti” — “Atalanta”
Xosep Gvardiola jamoasi o‘z maydonida musobaqa debyutanti “Atalanta” mehmon qildi. Avvaliga Ruslan Malinovskiy 28-daqiqada penaltidan gol urib, mehmonlarni hisobda oldinga olib chiqdi. Shundan so‘ng Serxio Aguero va Rahim Sterlingni to‘xtatib qolishning umuman ilojisi bo‘lmadi. Aguero dublga erishgan bo‘lsa, Sterling het-trik qayd etdi.Guruhdagi vaziyat
“D” guruhi
“Atletiko” — “Bayer”
Madrid klubi o‘z maydonida “Bayer”ni qabul qildi. Tomonlar harchand urinmasin birinchi bo‘limda gol urishning uddasidan chiqa olmadi. Ikkinchi bo‘limda “matraschilar” safida Alvaro Morata zaxiradan o‘yinga qo‘shildi. Oradan 8 daqiqada o‘tib, Morata jamoasiga g‘alaba keltirgan golga mualliflik qildi.“Yuventus” — “Lokomotiv”
Musobaqa favoritlari qatorida e’tirof etilayotgan “Yuventus” o‘z uyida Moskvaning “Lokomotiv”ini qabul qildi. Aleksey Miranchuk 30-daqiqada gol urib, mehmonlarni hisobda oldinga olib chiqdi. Birinchi bo‘lim “Loko”ning hisobdagi kichik ustunligi bilan yakunlandi. Ikkinchi bo‘limning 77 hamda 79-daqiqalarida Paulo Dibala dublga erishib, “Yuventus”ga g‘alaba keltirdi.Guruhdagi vaziyat
Faktlar va qiziqarli ma’lumotlar
- Robert Levandovski musobaqa tarixidagi eng to‘purarlar reytingida 5-o‘ringa ko‘tarildi. Uning hisobida endilikda 58 ta gol bor.
- Rahim Sterling het-trikka erishishi uchun 11 daqiqayu 12 soniya kerak bo‘ldi.
- Rahim Sterling het-trikka erishgan musobaqa tarixidagi sakkizinchi ingliz futbolchisiga aylandi.
- Kilian Mbappe yevrokuboklar doirasida het-trikka erishgan eng yosh fransiyalik futbolchi bo‘ldi.
- Bundan tashqari Kilian zaxiradan o‘yinga qo‘shilib, het-trik qayd etgan musobaqa tarixidagi eng yosh futbolchiga aylandi.
- Mbappe Messining rekordini yangiladi. Kilian musobaqa tarixida 15 ta gol urgan eng yosh o‘yinchiga aylandi — 20 yosh, 306 kunlik.
- Bu orqali u Leo Messi natijasini yangiladi. Messi 15 talik marradan 21 yosh 288 kunlik vaqtida o‘tgan edi.
- Toni Kroos Chempionlar Ligasidagi 100-o‘yinida gol urgan, musobaqa tarixidagi beshinchi futbolchi bo‘ldi.
- Serxio Ramos Chempionlar Ligasida eng ko‘p o‘yin o‘tkazgan himoyachiga aylandi. U 120 ta o‘yin o‘tkazgan Roberto Karlosni ortda qoldirdi.
Izoh (0)