Футбол бўйича Европа Чемпионлар Лигаси 3-тури доирасида 22 октябрь, сешанба оқшомида 8 та учрашув бўлиб ўтди. «Дарё» эса мазкур турнинг дастлабки куни тафсилотларига тўхталиб ўтади.
«А» гуруҳи
«Брюгге» — ПСЖ
Гуруҳда икки турдан сўнг 6 очко билан пешқадам бўлиб турган ПСЖ Бельгияга ғалаба учун келгани 7-дақиқадаёқ ўз исботини топди. Ди Мариянинг узатмасини унинг ватандоши Мауро Икарди «Брюгге» посбони Симон Миньоле дарвозасига жойлаб қўйди. Аммо мухлислар иккинчи голни кўриш учун, иккинчи бўлиб бошланиши ва Килиан Мбаппенинг майдонга тушишини кутишга мажбур бўлди. Килиан 52-дақиқада ўйинга захирадан қўшилиб, орадан 9 дақиқа ўтиб, баҳсдаги илк, ПСЖнинг эса иккинчи голини урди. Шундан сўнг ПСЖни тўхтатиб қолишнинг иложиси бўлмади. Икарди 63-дақиқада яна битта гол урган бўлса, 79 ҳамда 83-дақиқаларда Мбаппе иккита гол уриб, ўйинга якуний нуқтани қўйди.«Галатасарой» — «Реал»
Дастлабки икки турда атиги 1 очкога эга бўлган Зинедин Зидан шогирдлари Туркияга сафар қилди. «Галатасарой» меҳмони бўлган «Реал» Тони Крооснинг 18-дақиқада Эден Азарнинг узатмаси орқали киритган голи сабаб Чемпионлар Лигаси жорий мавсумидаги илк ғалабасини нишонлади.Гуруҳдаги вазият
«Б» гуруҳи
«Тоттенҳэм» — «Црвена Звезда»
Сўнгги вақтларда мухлислари ҳафсаласини пир қилиб қўяётган «Тоттенҳэм» ўз майдонида сербияликларни қабул қилди. Маурисио Почеттино шогирдлари бу сафар рақибини умуман аяб ўтирмади. Аввалига 9-дақиқада Ҳарри Кейн ҳисобни очган бўлса, 16-дақиқага келиб Сон Ҳён Мин ҳисобни 2:0 кўринишига келтирди. Қайд этиш жоиз, иккала голга ҳам Эрик Ламела ҳаммуалифлик қилди. Тиниб-тинчимас кореялик Сон танаффус олдидан яна битта гол уришга эришди. Иккинчи бўлимда эса Ламела ҳам ўз номига битта гол ёздириб қўйган бўлса, Кейн 72-дақиқа гол уриб, «шпорлар»нинг 5:0 ҳисобидаги йирик ғалабасини таъминлади.«Олимпиакос» — «Бавария»
Нико Ковач бошлиқ «Бавария» Грецияда «Олимпиакос» меҳмони бўлди. Учрашув меҳмонлар учун омадсиз бошланди. 23-дақиқада ал-Араби мезбонларни ҳисобда олдинга олиб чиқди. Шундан сўнг Роберт Левандовски дублга эришди. Корентен Толиссо эса чиройли голи билан «Бавария»нинг учинчи голига муаллифлик қилди. Ўйиндаги сўнгги гол эса «Олимпиакос» аъзоси Гильерме ҳисобига ёзилди.Гуруҳдаги вазият
«C» гуруҳи
«Шахтёр» — «Динамо»
Донецк клуби ўз майдонида Загребнинг «Динамо»сини қабул қилди. Аввалига Евгений Коноплянка ҳисобни очган бўлса, орадан 9 дақиқа ўтиб, Дани Олмо ҳисобни тенглаштирди. Загребликлар иккинчи бўлимнинг 60-дақиқасида Оршичнинг голи эвазига ҳисобда олдинга чиқиб олди. Ўйинга якуний нуқтани эса 75-дақиқасида Додо қўйди. Шу тариқа томонлар 2:2 ҳисобидаги жанговар дуранг қайд этди.«Манчестер Сити» — «Аталанта»
Хосеп Гвардиола жамоаси ўз майдонида мусобақа дебютанти «Аталанта» меҳмон қилди. Аввалига Руслан Малиновский 28-дақиқада пенальтидан гол уриб, меҳмонларни ҳисобда олдинга олиб чиқди. Шундан сўнг Серхио Агуэро ва Раҳим Стерлингни тўхтатиб қолишнинг умуман иложиси бўлмади. Агуэро дублга эришган бўлса, Стерлинг ҳет-трик қайд этди.Гуруҳдаги вазият
«Д» гуруҳи
«Атлетико» — «Байер»
Мадрид клуби ўз майдонида «Байер»ни қабул қилди. Томонлар ҳарчанд уринмасин биринчи бўлимда гол уришнинг уддасидан чиқа олмади. Иккинчи бўлимда «матрасчилар» сафида Альваро Мората захирадан ўйинга қўшилди. Орадан 8 дақиқада ўтиб, Мората жамоасига ғалаба келтирган голга муаллифлик қилди.«Ювентус» — «Локомотив»
Мусобақа фаворитлари қаторида эътироф этилаётган «Ювентус» ўз уйида Москванинг «Локомотив»ини қабул қилди. Алексей Миранчук 30-дақиқада гол уриб, меҳмонларни ҳисобда олдинга олиб чиқди. Биринчи бўлим «Локо»нинг ҳисобдаги кичик устунлиги билан якунланди. Иккинчи бўлимнинг 77 ҳамда 79-дақиқаларида Пауло Дибала дублга эришиб, «Ювентус»га ғалаба келтирди.Гуруҳдаги вазият
Фактлар ва қизиқарли маълумотлар
- Роберт Левандовски мусобақа тарихидаги энг тўпурарлар рейтингида 5-ўринга кўтарилди. Унинг ҳисобида эндиликда 58 та гол бор.
- Раҳим Стерлинг ҳет-трикка эришиши учун 11 дақиқаю 12 сония керак бўлди.
- Раҳим Стерлинг ҳет-трикка эришган мусобақа тарихидаги саккизинчи инглиз футболчисига айланди.
- Килиан Мбаппе еврокубоклар доирасида ҳет-трикка эришган энг ёш франциялик футболчи бўлди.
- Бундан ташқари Килиан захирадан ўйинга қўшилиб, ҳет-трик қайд этган мусобақа тарихидаги энг ёш футболчига айланди.
- Мбаппе Мессининг рекордини янгилади. Килиан мусобақа тарихида 15 та гол урган энг ёш ўйинчига айланди — 20 ёш, 306 кунлик.
- Бу орқали у Лео Месси натижасини янгилади. Месси 15 талик маррадан 21 ёш 288 кунлик вақтида ўтган эди.
- Тони Кроос Чемпионлар Лигасидаги 100-ўйинида гол урган, мусобақа тарихидаги бешинчи футболчи бўлди.
- Серхио Рамос Чемпионлар Лигасида энг кўп ўйин ўтказган ҳимоячига айланди. У 120 та ўйин ўтказган Роберто Карлосни ортда қолдирди.
Изоҳ (0)