O‘zbekiston Respublikasi Tashqi ishlar vaziri Abdulaziz Komilov 2019-yilning 22-oktabr kuni Daniya Qirolligining favqulodda va muxtor elchisi etib tayinlangan Karsten Sendergordni qabul qildi. Bu haqda Tashqi ishlar vazirligi xabar berdi. Elchining qarorgohi Moskva shahrida joylashgan.
Ishonch yorliqlarini qabul qilgan Abdulaziz Komilov elchini mazkur tayinlov bilan tabrikladi va unga samarali faoliyat tiladi.
Subat chog‘ida siyosiy, savdo-iqtisodiy, madaniy-gumanitar va boshqa sohalarda hamda xalqaro tashkilotlar doirasidagi ikki tomonlama aloqalarni yanada rivojlantirishning ustuvor yo‘nalishlari muhokama qilindi.
Uchrashuv chog‘ida vazirliklararo siyosiy maslahatlashuvlarni muntazam ravishda o‘tkazish zarurligi qayd etildi. Ta’kidlanganidek, mazkur tadbir istiqbollarini aniqlash va ularga e’tibor qaratishga imkon beradi.
Uchrashuvda bo‘lajak O‘zbekiston—Daniya tadbirlari jadvali va kun tartibi yuzasidan ham fikr almashildi.
Izoh (0)