Uzbekistan Airports’ga Ravshan Ismoilov rahbar bo‘ldi

“O‘zbekiston havo yo‘llari”ni qayta tashkil etishdan paydo bo‘lgan Uzbekistan Airports’ga Ravshan Ismoilov rahbar bo‘ldi, deb xabar bermoqda Spot.

Ravshan Ismoilov bundan avval “O‘zbekiston havo yo‘llari” tizimida ishlagan, xususan, kompaniyaning Kalilingraddagi vakolatxonasini boshqargan, MAK tijorat bo‘limi direktorining o‘rinbosari lavozimida faoliyat yuritgan.

Avval xabar berilganidek, Prezident Shavkat Mirziyoyev “O‘zbekiston Respublikasi milliy aviatsiyasini tubdan takomillashtirish bo‘yicha chora-tadbirlar to‘g‘risida“gi farmoniga ko‘ra “O‘zbekiston havo yo‘llari” qayta tashkil etilishi va va bir-biridan mustaqil kompaniyalarga ajratilishi belgilangandi.

Ulardan biri Uzbekistan Airports bo‘lib, u aeroportlar uchun javobgar bo‘ladi. Bular jumlasiga ularni uzoq muddatli rivojlantirish startegiyasini ishlab chiqish va amalga oshirish, aeropotdagi aviatashuvlarning yo‘lovchilarga yuqori darajada xizmat kursatishini ta’minlash, ular uchun barcha qulay shart sharoitlarni yaratish va boshqalar kiradi.