O‘zbekiston tovar xomashyo birjasida keltirilgan ma’lumotlarga ko‘ra, 2019-yilning yanvar—sentabr oyida tuzilgan bitimlarning umumiy hajmi 31 trillion 642 milliard 200 million so‘mni tashkil qildi. Bu o‘tgan yilning shu davriga tuzilgan bitimlarga nisbatan 41 foiz ko‘pdir.
Kichik va xususiy tadbirkorlar ishtirokida tuzilgan bitimlarning umumiy hajmi 2018-yilning mos davri bilan solishtirganda 36 foizga o‘sib, 15 trillion 504 milliard 700 million so‘mni tashkil etdi.
Birja savdolari orqali 27 trillion 758 milliard 500 million so‘mlik tovarlar sotilib, o‘sish 35 foizni tashkil egan. Sotuvchi korxonalar savdolar davomida real bozor narxlarining shakllanishi evaziga 1 trillion 586 milliard 200 million so‘mlik qo‘shimcha daromad olgan.
Ko‘rib chiqilayotgan davr mobaynida elektron davlat xaridlari bo‘yicha 2 trillion 657 milliard 500 million so‘mlik bitimlar tuzilib, mablag‘larning tejalishi — 542,9 milliard so‘mni tashkil qildi. Ko‘rgazma yarmarka savdolarining hajmi 26 foizga o‘sib, 1 trillion 112 milliard 600 million so‘mni tashkil etdi.
Shuningdek, birjaning onlayn auksionida 113,2 milliard so‘mlik 26 820 avtoraqamlar sotilgan. Tuzilgan bitta bitimning o‘rtacha qiymati 4,1 million so‘mni tashkil etgan.
Izoh (0)