14—18 октябрь кунлари «E-ijro auksion» электрон онлайн-аукцион савдоларида бошланғич нархи 14 миллиард 447,8 миллион сўм бўлган 48 та объект 15 миллиард 911,2 миллион сўмга сотилди. Бу ҳақда Электрон онлайн-аукционларни ташкил этиш марказининг ахборот хизмати маълум қилди. Жорий ҳафтада бошланғич нархи 37 миллиард 994,6 миллион сўмлик 99 та шундай объект онлайн-аукционга чиқарилган эди.
Якка тартибда уй-жой қуриш учун
Жами 3 та бошланғич нархи 2 миллион сўмлик якка тартибда уй-жой қуриш ҳуқуқи 9,8 миллион сўмга сотилди.
Шунингдек, «E-ijro auksion»да ҳозирги кунда 136 та бошланғич нархи 1 миллиард 248,7 миллион сўмлик якка тартибда уй-жой қуриш ҳуқуқи электрон онлайн-аукцион савдоларида реализация қилиш учун жойлаштирилган.
Давлат мулки объектлари
Бошланғич қиймати 4 миллиард 784 миллион сўм бўлган 6 та давлат улуши 4 миллиард 912 миллион сўм қийматида сотилган.
Ҳафта давомида бошланғич қиймати 4 миллиард 333 миллион сўм бўлган 5 та давлат улуши реализация қилиш учун савдога чиқарилган.
Мавзуга доир: Онлайн-аукционга 2 та эски Lincoln автомобили қўйилди
Ҳафта давомида 20 та бошланғич баҳоси 1 сўм қийматидаги бўш турган давлат бинолари реализация қилиш учун савдога чиқарилган.
Шунингдек, бошланғич нархи 1 сўм қийматдаги 19 та бино 28 миллион сўм қийматида сотилган.
Бўлиб ўтган аукцион якунларига кўра, ғолиб иштирокчилар 8 миллиард 960 миллион сўм миқдорида инвестиция киритиш ҳамда 199 та янги иш ўринини яратиш мажбуриятларини ўз зиммасига олган.
Давлат мулкини ижарага бериш
Ҳафта давомида 169 та давлат мулки 1 миллиард 42 миллион сўм қийматида ижара бериш учун савдога чиқарилган ҳамда бошланғич ижара қиймати 1 миллиард 291 миллион сўм бўлган 142 та давлат мулки 1 миллиард 565 миллион сўм эвазига сотилган.
Ер участкаларига бўлган ҳуқуқ
Ер ресурслари бўйича электрон онлайн-аукционларда ушбу ҳафтада жами 187 та бошланғич нархи 510 миллион сўмлик ер участкаларига бўлган ҳуқуқ 37 миллиард 175 миллон сўмлик инвестиция киритиш ва 583 га яқин янги иш ўринларини яратиш шарти билан 2 миллиард 318,9 миллион сўмга сотилди.
Шунингдек, «E-ijro auksion»да ҳозирги кунда 3 776 та бошланғич нархи 107 миллиард 31 миллион сўмлик бўш ер участкаси электрон онлайн-аукцион савдоларида реализация қилиш учун жойлаштирилган.
Металл қазиб олиш ҳуқуқи
Ҳафта давомида жами 5 та қимматбаҳо металларни қазиб олиш ҳуқуқи 40,9 миллион сўмга сотилди.
Шунингдек, «E-ijro auksion»да ҳозирги кунда 6 та бошланғич нархи 45 миллион сўмлик қимматбаҳо металларни қазиб олиш ҳуқуқи электрон онлайн-аукцион савдоларида реализация қилиш учун жойлаштирилган.