Ayollar uchun eng xavfsiz va qulay davlatlar reytingi — Women, Peace and Security Index (WPS Index)ni e’lon qilindi, deb xabar bermoqda Amerikaning National Geographic jurnali.
Reytingni tuzishda ayollarning ijtimoiy-siyosiy va iqtisodiy hayotga jalb qilingani, ularning xavfsizligi va asosan diskriminatsiya yo‘qligidan dalolat deb qaraluvchi adolat kabi uchta asosiy ko‘rsatkich inobatga olingan.
Reytingga jami 167 ta davlat kiritilgan. Unda birinchi o‘rinni Norvegiya, undan keyingi o‘rinlarni Shveysariya, Finlyandiya, Daniya, Islandiya egallagan. Ro‘yxatning oxirgi uch o‘rnidan Suriya, Afg‘oniston va Yaman joy olgan.
Markaziy Osiyo davlatlaridan Qozog‘iston 43-o‘rinni, Turkmaniston 60-o‘rinni, Qirg‘iziston 80-o‘rinni, O‘zbekiston 89-o‘rinni, Tojikiston 96-o‘rinni egallagan.
Ma’lumot uchun Women, Peace and Security Index (WPS Index) reytingi 2017-yildan buyon tuzib kelinadi. Reytingni tuzishda National Geographic’dan tashqari Jorjtaun universitetining Ayollar, tinchlik va xavfsizlik instituti, Oslo Tinchlik tadqiqoti instituti ishtirok etgan.
Izoh (0)