Аёллар учун энг хавфсиз ва қулай давлатлар рейтинги — Women, Peace and Security Index (WPS Index)ни эълон қилинди, деб хабар бермоқда Американинг National Geographic журнали.
Рейтингни тузишда аёлларнинг ижтимоий-сиёсий ва иқтисодий ҳаётга жалб қилингани, уларнинг хавфсизлиги ва асосан дискриминация йўқлигидан далолат деб қаралувчи адолат каби учта асосий кўрсаткич инобатга олинган.
Рейтингга жами 167 та давлат киритилган. Унда биринчи ўринни Норвегия, ундан кейинги ўринларни Швейцария, Финляндия, Дания, Исландия эгаллаган. Рўйхатнинг охирги уч ўрнидан Сурия, Афғонистон ва Яман жой олган.
Марказий Осиё давлатларидан Қозоғистон 43-ўринни, Туркманистон 60-ўринни, Қирғизистон 80-ўринни, Ўзбекистон 89-ўринни, Тожикистон 96-ўринни эгаллаган.
Маълумот учун Women, Peace and Security Index (WPS Index) рейтинги 2017 йилдан буён тузиб келинади. Рейтингни тузишда National Geographic’дан ташқари Жоржтаун университетининг Аёллар, тинчлик ва хавфсизлик институти, Осло Тинчлик тадқиқоти институти иштирок этган.
Изоҳ (0)