Iroq mudofaa vaziri Suriya lagerlaridan qochib mamlakat hududiga o‘tgan IShID jangarilarining bir nechtasini qo‘lga tushirganini ma’lum qildi. Bu haqda “RIA Novosti” xabar berdi.
“Suriyadan qochgan IShID jangarilarining bir nechtasi Iroq hududida qo‘lga olindi”, — deya ta’kidlagan mamlakat vaziri Najaha ash-Shamriy o‘z bayonotida.
Vazir 16-oktabr kuni Iroq va Suriya chegarasidagi vaziyat bilan tanishgan hamda mamlakat hududiga qochib kirgan jangarilar ta’qib qilish, ularni hibsga olish jarayoni davom etishini bildirgan.
Avval Kurd avtonom administratsiyasi Suriya shimoli-sharqidagi Ayn-Issa lageridan 785 nafar IShIDga aloqador odamning Turkiyaning harbiy harakatlari sabab qochib ketganini xabar qilgan.Turkiya hukumati ushbu qochishlar kurdlar tomonidan uyushtirilganligini ta’kidlamoqda.
Izoh (0)