Isroil aviatsiyasi Suriyadagi nizolardan foydalanib qolgan va yashirin ravishda mamlakat hududiga havodan zarba yo‘llagan. Bu haqda jurnalist Babak Taghvaee Twitter’dagi sahifasida ma’lum qildi.
“Suriya shimoli-sharqidagi notinch vaziyat Isroil harbiy havo kuchlariga mamlakatdagi Islom revolyutsiyasi korpusiga (Eron armiyasining yuqori darajali bo‘linmasi) bog‘liq joylarga hujum qilish imkoniyatini bergan. Isroil aviatsiyasi Iroq chegarasi yaqinida joylashgan Abu-Kamoldagi Islom revolyutsiyasi korpusiga aloqador lagerlarga havodan hujum zarbasi yo‘llagan”, — deb yozgan jurnalist.
20-sentabrda Rossiya qiruvchi samolyotlari Isroil aviatsiyasining Damashq yaqinidagi yerlarga hujum qilishiga to‘sqinlik qilgandi. Undan avval Rossiya Suriya armiyasining Isroil harbiy samolyotlariga qarshi С-300 raketa komplekslaridan foydalanishiga ruxsat bergan.
Rossiya qo‘shinlarining ushbu qaroriga Isroilning F-35 bilan bir necha marta Suriya hududidagi obyektlarga hujum uyushtirgani sabab bo‘lgan. Moskva bilan kelishuvga ko‘ra, Isroil bu kabi harakatlarni amalga oshirmasligi lozim, biroq yahudiylar qo‘shini ushbu bitim shartlarini tez-tez buzmoqda.
Izoh (0)