Kurd vakillari Suriya shimolida Ayn-Isa shahri yaqinidagi IShID tarafdorlari bo‘lgan maxsus lagerdan 785 nafar odamning qochib ketganini xabar qildi, deb yozgan “Kommersant”. Xabarga ko‘ra, ushbu qochish Turkiyaning hududdagi harbiy operatsiyalari sabab sodir bo‘lgan. Qochgan asirlarning hech biri Suriya fuqarosi emas.

Foto: Syriahr

Ushbu voqeaga Fransiya hukumati o‘z munosabatini bildirdi, hukumat vakili Sibet Ndiay sodir bo‘lgan voqeadan mamlakatning tashvishga tushgani va Turkiyaning Suriya shimoli-sharqidagi harbiy harakatlarni tezroq to‘xtatishni, rasmiy Parij ushbu operatsiyani qoralashini ma’lum qilgan.

Fransiya hamda Germaniya Suriya shimoli-sharqida foydalanish mumkin bo‘lgan har qanday qurol-yarog‘ni Turkiyaga sotishni to‘xtatgan.

Turkiya 9-oktabrda “Tinchlik bulog‘i” operatsiyalari boshlanishini e’lon qilgan. Davlat rahbari Rajab Toyyib Erdo‘g‘on ushbu harbiy harakatlardan ko‘zlangan maqsad “Xalq himoya otryadlari” va Kurdiston ishchi partiyasi terrochilarini hududdan siqib chiqarishdan iboratligini qayd etgan. Dunyoning ko‘plab davlatlari Turkiyaning ushbu harbiy harakatlarini qoralamoqda.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.