Afg‘onistonda Prezidentlikka nomzodlar ittifoqining rasmiy shaxslari mamlakat prezidenti Muhammad Ashraf G‘ani hamda bosh vazir Abdulla Abdulla Afg‘oniston islom respublikasining “Saylovlar to‘g‘risidagi qonuni”ni qo‘pol ravishda buzganligi ma’lum qilindi, deya xabar berdi Tolo News.
Nashrning qayd etishicha, ikkala nomzod ham Mustaqil ijro komissiyasi ovozlarning haqiqiy yoki haqiqiy emasligini aniqlab ajratishidan avval o‘zlarini saylovlarning g‘olibi deb e’lon qilgan.
Mavzuga doir: Afg‘onistonda bo‘lib o‘tgan prezidentlik saylovlarida bosh vazir o‘zini g‘olib deb e’lon qildi
Afg‘onistonda prezidentlikka nomzodini qo‘ygan Rahmatulla Nabilning aytishicha, Ashraf G‘ani hamda Abdulla Abdulla biometrik tizimlarsiz berilgan ovozlarni hisob-kitob qilishni Oliy sud ko‘rib chiqishiga erishmoqchi. Agar ushbu harakat amalga oshsa, mamlakat fuqarolarining saylov komissiyasiga bo‘lgan ishonchi yo‘qoladi.
Ittifoq a’zolari Afg‘onistonda qonunning buzilayotgani va natijalar soxtalashtirilayotgani yuzasidan BMT bosh kotibiga xat yubormoqchi.
Izoh (0)