Rishton shahrida bloger Dima Qayum bir guruh ayollar tomonidan hujumga uchradi. Hujum aks etgan videolavha “Qo‘shni mahalla” Telegram kanali tomonidan e’lon qilindi.
Videoda bir guruh ayollarning blogerga tashlanib, unga nisbatan jismoniy kuch ishlatayotganini ko‘rish mumkin.
Xalq deputatlari Uchtepa tuman kengashi deputati Nuriddin Zaynitdinov ushbu holatga munosabat bildirdi.
Bloger va samimiy inson Dima Qayumga nisbatan kecha Rishtonda uyushtirilgan ‘samosud’ holati, uning olib borayotgan xayrli ishlari va blogerlik faoliyati g‘ashiga tekkan, kutubxona qurilishiga qarshi bir guruh shaxslar tomonidan bo‘lgani, ya’na o‘sha bozorchi ayollarni ishga solishgani taqdim etilgan video-foto materiallarda ko‘rinib turibdi.Ma’lumot uchun, “Daryo” muxbiri Aziz Abduvaliyev bloger Dima Qayum bilan intervyu uyushtirdi. Intervyu yaqin vaqt ichida saytga joylashtiriladi.Dima Qayumga nisbatan tajovuz, tahdidni, ‘samosud’ holatini va unga tegishli telefon ekranini sindirib tashlanganini keskin qoralayman, tegishli vazirlik va idoralardan bu holatni zudlik bilan o‘rganib chiqishlarini hamda alohida nazoratga olishlarini so‘rayman.
Bir guruh shaxslar tomonidan ‘Bozor buzilganida aybdorsan’, ‘kutubxona qurmaysan’ deb ayblanib, ‘samosud’ qilingan Dima Qayum aks etgan videoni ko‘rib, yurtdoshlarimizning huquqiy ongi pastligidan ular o‘z xatti-harakatlari bilan inson haq-huquqlarini paymol etib, o‘zboshimchalik qilib, ularning o‘zi jinoyatga qo‘l urayotganini anglab yetmagani ko‘rinib turibdi.
Yurtdoshlarimiz orasida bosar-tusarini bilmay qolgan ‘samosud’chilar, bizning jamiyatda qonun ustuvorligini unutib, huquq-tartibot xizmatlari va sudning vakolatlarini nahot o‘z zimmalariga olishga urinmoqdalar. Bu achinarli holat!
Shu o‘rinda tashvish bilan yozish mumkinki, oxirgi paytlar ‘samosud’ holatlari ko‘payib bormoqda.
‘Samosud’chilarga qo‘yib bersa, aybdorni o‘sha yerni o‘zida sazoyi qilib yuborishdan, dorga tortib yuborishdan ham tap tortishmaydi.
Yana takrorlayman!
Kim bo‘lishidan qa’ti nazar ‘samosud’ holatiga yo‘l qo‘ylishi mumkin emas!
Jamiyat u qanday jamiyat bo‘lmasin, u albatta, qonun-qoida asosida, tartib-intizom bilan yashashni istaydi, shundagina millat, xalq birligi, totuvligiga erishiladi.
Odil sudlovning faqat sud tomonidan amalga oshirilishi shart.
‘Samosud’chilar o‘zlarining xatti-harakatlari, o‘zboshimchaliklari bilan, haqiqiy yoki faraz qilingan huquqlarni o‘zboshimchalik bilan amalga oshirishi fuqarolarning huquqlari yoki qonun bilan qo‘riqlanadigan manfaatlariga jiddiy ziyon yetkazilishiga sabab bo‘layotganlarini anglab yetmasalar?
Ularning xatti-harakatlariga tegishli organlar huquqiy baho berishi va tegishli jazoga tortishi kerak.
Shu o‘rinda, sud hukmi, jinoyat sodir etgan har bir shaxsga adolatli jazo berilishi yoki boshqa ta’sir chorasi qo‘llanilishi hamda aybi bo‘lmagan hech bir shaxs javobgarlikka tortilmasligi va hukm qilinmasligi haqidagi jinoyat sud ish yurituvining asosiy vazifalarini hal etadigan, sud muhokamasiga yakun yasaydigan O‘zbekiston Respublikasi nomidan chiqariladigan odil sudlovning muhim hujjatidir.
O‘zbekiston Respublikasi Konstitutsiyasining 26-moddasi, Inson huquqlari bo‘yicha Umumjahon deklaratsiyasining 11-moddasi, Fuqarolik va siyosiy huquqlar bo‘yicha xalqaro paktning 14-moddasi hamda JPKning 23-moddasiga muvofiq jinoyat sodir etganlikda ayblanayotgan har bir shaxsning ishi sudda qonuniy tartibda, oshkora ko‘rib chiqilib, uning aybi aniqlanmaguncha u aybdor hisoblanmaydi.
Sudda ayblanayotgan shaxsga o‘zini himoya qilish uchun barcha sharoitlar ta’minlab beriladi.
Faqat asosli va odilona jazo tayinlash orqaligina jamiyatni jinoiy xurujlardan samarali himoya etish, sudlanganlarni tuzatish va qayta tarbiyalashga erishish, sudlanganlar hamda boshqa shaxslar tomonidan yangi jinoyatlar sodir etilishining oldini olishni ta’minlash mumkin.
Nuriddin Zaynitdinov, Xalq deputatlari Uchtepa tuman Kengashi deputati, O‘zLiDeP deputatlik guruhi rahbarining o‘rinbosari.
Izoh (0)