Hukumat qarori bilan Kamoliddin Talipov Moliya vazirligi huzuridagi Sug‘urta bozorini rivojlantirish agentligining direktori etib tayinlandi. Bu haqda Adliya vazirligi matbuot xizmati ma’lum qildi.
Lavozimga tayinlanguniga qadar Kamoliddin Talipov Silk capital AJ kuzatuv kengashining raisi bo‘lib ishlagan. Turli yillarda qimmatbaho qog‘ozlar bozori faoliyatini muvofiqlashtirish va nazorat qilish markazi bosh direktori hamda Markaziy bankning turli lavozimlarida faoliyat yuritgan.
Kamoliddin Talipov Yaponiyaning Tokio shahridagi Milliy siyosiy tadqiqotlar instituti va Toshkent Bank-moliya akademiyasi magistraturasini va Toshkent davlat iqtisodiyot universitetini tamomlagan.
Eslatib o‘tamiz, agentlik Prezidentning 2019-yil 2-avgustdagi qarori bilan tashkil etilgan.
Izoh (0)