“Mehr” insonparvarlik operatsiyasining ikkinchi bosqichi doirasida Iroqdan O‘zbekistonga olib kelingan bolalarga ko‘rsatilayotgan tibbiy, psixologik, moddiy va ma’naviy yordamga Toshkent shahar IIBB xodimlari ham o‘z hissalarini qo‘shmoqda. Bu haqda IIBB matbuot xizmati ma’lum qildi.
Jumladan, qurolli to‘qnashuvlar davomida ota-onalari vafot etgan, Uchtepa tumanida istiqomat qiluvchi uch nafar bolani ayni paytda ularning amakisi — Nodir Tuganbekov o‘z qaramog‘iga olgan.
Bolalar tibbiy yordamga muhtoj edi, ulardan ikki nafari oyoqlaridan mahrum bo‘lgan. Vatanga qaytgach, ularga protez oyoqlar o‘rnatilgan bo‘lib, hozirda ular protezlar bilan yurishga ko‘nikmoqda. Shifokorlar bolalarning holatini qoniqarli deb baholamoqda.
Ularning tinch hayotga qaytib, jamiyatga moslashishi, ta’lim va ijtimoiy dasturlarda ishtirok etishida Uchtepa tumani IIO FMB xodimlari ham ko‘maklashmoqda.
Izoh (0)