«Меҳр» инсонпарварлик операциясининг иккинчи босқичи доирасида Ироқдан Ўзбекистонга олиб келинган болаларга кўрсатилаётган тиббий, психологик, моддий ва маънавий ёрдамга Тошкент шаҳар ИИББ ходимлари ҳам ўз ҳиссаларини қўшмоқда. Бу ҳақда ИИББ матбуот хизмати маълум қилди.
Жумладан, қуролли тўқнашувлар давомида ота-оналари вафот этган, Учтепа туманида истиқомат қилувчи уч нафар болани айни пайтда уларнинг амакиси — Нодир Туганбеков ўз қарамоғига олган.
Болалар тиббий ёрдамга муҳтож эди, улардан икки нафари оёқларидан маҳрум бўлган. Ватанга қайтгач, уларга протез оёқлар ўрнатилган бўлиб, ҳозирда улар протезлар билан юришга кўникмоқда. Шифокорлар болаларнинг ҳолатини қониқарли деб баҳоламоқда.
Уларнинг тинч ҳаётга қайтиб, жамиятга мослашиши, таълим ва ижтимоий дастурларда иштирок этишида Учтепа тумани ИИО ФМБ ходимлари ҳам кўмаклашмоқда.
Изоҳ (0)