O‘zbekistonda so‘nggi 20 yil davomida amalda bo‘lgan tartibga muvofiq, bir korxonani tugatishga 17 ta hujjat to‘plash, 6 ta organ va tashkilot bilan hamkorlikda ishlab, bu jarayon uchun kamida 83 kun vaqt talab etilar edi. Bu haqda 14-oktabr, dushanba kuni Adliya vazirligi va Davlat soliq qo‘mitasi mutasaddilari jurnalistlar bilan bo‘lib o‘tgan muloqotda ma’lum qilindi, deya xabar bermoqda “Daryo” muxbiri Musulmonbek Ibrohimov.
Axborot va ommaviy kommunikatsiyalar agentligida bo‘lib o‘tgan anjumanda Prezident Shavkat Mirziyoyevning “Tadbirkorlik subyektlarini tugatish tartib-taomillarini soddalashtirish chora-tadbirlari to‘g‘risidagi”gi farmoni ijrosi yuzasidan axborot beriladi. Farmonga muvofiq, 2020-yil 1-yanvardan boshlab tadbirkorlik subyektlarini tugatishning soddalashtirilgan ikkita turi joriy etildi:
Birinchi tur
- Tadbirkorlik subyektlarining 9 oy mobaynida hisob raqamiga pul tushmasa, korxonalar faoliyat ko‘rsatmayotgan statusga o‘tkaziladi;
- Undan keyingi qadam, boshqa rivojlangan mamlakatlardagi kabi soliq organining taqdimnomasiga asosan ro‘yxatdan o‘tkazuvchi organ faoliyat yuritmayotgan subyektlarni uch yil muddatga harakatsiz (“спящий режим”) rejimga o‘tkazadi;
- Bu muddatda faoliyatini tiklamasa, avtomatik ravishda Yagona davlat reyestridan chiqarilishi belgilab qo‘yildi.
- Bu tadbirkorlik subyektlarini ixtiyoriy tugatish;
- Amaldagi tartib bo‘yicha korxonani tugatuvchisi tomonidan bir yoki bir necha davriy bosma nashrlarda korxonaning tugatilishi to‘g‘risida e’lonlar berishga majbur. Endi esa korxona tugatilayotganligi to‘g‘risidagi ma’lumotlarni ro‘yxatdan o‘tkazuvchi organ tomonidan o‘zining rasmiy saytiga joylashtiradi;
- Davlat ro‘yxatidan o‘tgan vaqtdan, faoliyat yuritmagan va tabiiyki, soliq qarzi bo‘lmasa, yakuniy tekshirish o‘tkazilmaydi;
- Faoliyat ko‘rsatgan korxonalarni ham tugatish uchun tekshirish davriga oxirgi 3 yillik olinadigan bo‘ldi, hozirgi kunda bu davr 5 yilni tashkil etadi. Tugatish jarayonining umumiy muddati to‘qqiz oydan olti oyga qisqartirildi.
Izoh (0)