Ўзбекистонда сўнгги 20 йил давомида амалда бўлган тартибга мувофиқ, бир корхонани тугатишга 17 та ҳужжат тўплаш, 6 та орган ва ташкилот билан ҳамкорликда ишлаб, бу жараён учун камида 83 кун вақт талаб этилар эди. Бу ҳақда 14 октябрь, душанба куни Адлия вазирлиги ва Давлат солиқ қўмитаси мутасаддилари журналистлар билан бўлиб ўтган мулоқотда маълум қилинди, дея хабар бермоқда «Дарё» мухбири Мусулмонбек Иброҳимов.
Ахборот ва оммавий коммуникациялар агентлигида бўлиб ўтган анжуманда Президент Шавкат Мирзиёевнинг «Тадбиркорлик субъектларини тугатиш тартиб-таомилларини соддалаштириш чора-тадбирлари тўғрисидаги»ги фармони ижроси юзасидан ахборот берилади. Фармонга мувофиқ, 2020 йил 1 январдан бошлаб тадбиркорлик субъектларини тугатишнинг соддалаштирилган иккита тури жорий этилди:
Биринчи тур
- Тадбиркорлик субъектларининг 9 ой мобайнида ҳисоб рақамига пул тушмаса, корхоналар фаолият кўрсатмаётган статусга ўтказилади;
- Ундан кейинги қадам, бошқа ривожланган мамлакатлардаги каби солиқ органининг тақдимномасига асосан рўйхатдан ўтказувчи орган фаолият юритмаётган субъектларни уч йил муддатга ҳаракатсиз («спящий режим») режимга ўтказади;
- Бу муддатда фаолиятини тикламаса, автоматик равишда Ягона давлат реестридан чиқарилиши белгилаб қўйилди.
- Бу тадбиркорлик субъектларини ихтиёрий тугатиш;
- Амалдаги тартиб бўйича корхонани тугатувчиси томонидан бир ёки бир неча даврий босма нашрларда корхонанинг тугатилиши тўғрисида эълонлар беришга мажбур. Энди эса корхона тугатилаётганлиги тўғрисидаги маълумотларни рўйхатдан ўтказувчи орган томонидан ўзининг расмий сайтига жойлаштиради;
- Давлат рўйхатидан ўтган вақтдан, фаолият юритмаган ва табиийки, солиқ қарзи бўлмаса, якуний текшириш ўтказилмайди;
- Фаолият кўрсатган корхоналарни ҳам тугатиш учун текшириш даврига охирги 3 йиллик олинадиган бўлди, ҳозирги кунда бу давр 5 йилни ташкил этади. Тугатиш жараёнининг умумий муддати тўққиз ойдан олти ойга қисқартирилди.
Изоҳ (0)