Uchquduqda 5-qavat balkonida osilib qolgan 8 yoshli bolani Favqulotda vaziyatlar boshqarmasi xodimlari qutqardi. Bu haqda “Daryo”ga Navoiy viloyati FVB xabar berdi.
Ma’lum bo‘lishicha, Uchquduq tumanidagi 6-Harbiylashtirilgan yong‘in xavfsizligi qismiga 9-oktabr kuni soat 18:28 da fuqaro A.A. qo‘ng‘iroq qilib, tumandagi “Cho‘l-guli” ko‘chasidagi ko‘p qaqvatli uyning 5-qavatidagi balkonda 8 yoshli bola osilib qolgani haqida xabar beradi. Soat 18:31da voqea joyiga 1ta avtoekipaj yetib boradi.
Qutqaruvchilar maxsus surilma narvonni 3 qavatga o‘rnatib, 4 va 5 qavatga ishg‘ol qilish narvonini qo‘yishadi. Shundan so‘ng narvonda bo‘lim boshlig‘i V.Sh.Yuldashev ko‘tarilib, bolani balkon derazasidan uyiga olib kirib, ota-onasiga topshirgan.
Izoh (0)