O‘zbekiston Yevrosiyo iqtisodiy ittifoqida kuzatuvchi maqomini olishi masalasi kelgusi yili hal etilishi mumkin. Bu haqda Rossiya Federatsiya kengashi Xalqaro masalalar qo‘mitasi raisining o‘rinbosari, Rossiyaning O‘zbekistondagi sobiq elchisi Farid Muxametshin ma’lum qildi, deya xabar beradi “Interfaks”.
“Muloqotlardan anglashimizcha, kelgusi yili O‘zbekiston birinchi bosqichda Yevrosiyo iqtisodiy ittifoqida kuzatuvchi maqomini olishi masalasi uzil-kesil hal etilishi mumkin”, — dedi Muxametshin qo‘mita yig‘ilishida rossiyalik senatorlarning Toshkentga safari yakunlari bo‘yicha hisobot berar ekan.
Oldinroq Rossiya Federatsiya kengashi spikeri Valentina Matviyenko O‘zbekiston rasmiylari mamlakatning Yevrosiyo iqtisodiy ittifoqiga qo‘shilishi masalasini ko‘rib chiqayotganini ma’lum qilgandi.
Mavzuga doir:
- Valentina Matviyenko O‘zbekiston Yevrosiyo iqtisodiy ittifoqiga qo‘shilishi mumkinligini ma’lum qildi
- Sodiq Safoyev: O‘zbekiston Yevrosiyo iqtisodiy ittifoqiga qo‘shilish imkoniyatlarini uch yildan beri o‘rganyapti
- Dmitriy Medvedev: O‘zbekiston hozircha Yevrosiyo iqtisodiy ittifoqi doirasidagi jarayonlarni kuzatib turibdi
Izoh (0)