Birlashgan millatlar tashkiloti hisobotida Afg‘onistonda bolalarning mamlakatdagi xavfsizligi borasidagi vaziyat yomonlashganligi qayd etildi. BMT bosh kotibi Antonio Guterresh o‘ziga taqdim etilgan ushbu hisobotdagi ma’lumotlarni o‘qiganidan keyin xavotirga tushganligini bildirdi, deb yozmoqda Regnum.
Hisobotga ko‘ra, oxirgi to‘rt yilda Afg‘onistonda bolalarga nisbatan zo‘ravonlik qilinganligi bo‘yicha 14 ming holat qayd etilgan. Ularning 3500 mingtasida bolalarning halok bo‘lganligi, yana 9 mingdan ortiq vaziyatlarda turli darajadagi tan jarohati olgani kuzatilgan.
BMT bosh kotibi hodisalar soni, jiddiyligi va bolalarga nisbatan qilinayotgan zo‘ravonliklarning turlicha ekanidan xavotirga tushganligini ma’lum qildi.
U jahon hamjamiyatini Afg‘onistondagi ushbu vaziyatni yaxshi tomonga o‘zgartirish uchun iloji boricha tezroq kerakli harakatlarni amalga oshirishga chaqirdi.
Hisobotdagi ma’lumotlar bo‘yicha 2015-yildan beri aviatsiya hujumlari natijasida halok bo‘lgan bolalarning soni keskin o‘sgan.
Izoh (0)